اهداء خاص جدا لحبيب قلبي غريب الروح
[][][] كَوم اصحه الزمن فاتك [][][]
تباري المن تباري والولف خوان
وعليمن تزرع الطيب وتحصد المر
ولك يفلان صار العشكَـ ينباع بالدكان
واللي لجل عينه انته سهرت الليل
ابشرك بين احضان ولف جديد
ومن كثر مامرتاح تشوفه نايم ويشخر
كوم اصحه الزمن فاتك
اخذ وياه كل الربع والخلان
واحبيبه التحبها وجانت تحاجيك
كملت ثوب العرس وتنتظر زفتها
وبمي الورد تلكاها تتعطر
ولك كافي تعذب الروح
موش انته الوحيد الي طلعت خسران
ولا انته الوحيد الماصدك وياه محبوبه
ولا انته الوحيد البينه متمرمر
زمان وصار غش بغش
واوطانك غدت غربه وتدور اوطان
جايب ابرتك تحفر بوسط الكَاع
يمسودن عليمن كَاعد أدور
ولك فوكَـ الارض صار الميت يدفنو
وجوه الكَاع ماتلكَه ابد غير الجمر والدخان
انصحك اترك العافوك وانساهم
وساوي خطوتك كافي بعد تتعثر
كَبل جان الوفه صفة كل انسان
من يحمه الوكت اويمر على المحبوب
يهفيله برموشه وياهن جفوفه
وهسه الوفي ينداس بالرجلين
لو سلم علينه وصادف وشفناه
منردله السلام ومنه نتكدر
دنيه وتمشي بالمكَلوب يبن الناس
او صار السمج يركض وره الحيتان
شنترجه بعد من خاين وبذات
ومن الباعو العشره بعد شنريد نذكر
*
*
ـــ علي ــــ
*
*
*
*
*
*
